mirrorNepal.com

काठमाडौं माघ २२ (मि सं)। उमेरले कम भइकन पनि पत्रकारितामा कलम चलाउन जाँगर साहस बोकेकी एक उदीयमान पत्रकारले साहित्य जगतमा पुस्तक लेखेर नयाँ पाइलो चालेकी छिन् ।

पेशाले पत्रकार आन्बिका गिरीले लेखेको कथा सँग्रह कम्युनिष्टको विमोचन शुक्रवार गुरुकुलको हलमा उपान्यासकार तथा प्रगतिशील लेखक नारायण ढकालले गरेका थिए । गिरी अन्नपूर्ण पोष्टसँग सम्बद्ध छिन् ।

लेखिका गिरीको कृति एक प्रखर माझिएको लेखकले लेखेको जस्तो भन्दै विमोचन समारोहमा आमन्त्रित विशिष्ट वक्ताहरुले युवाका साहित्यिक प्रतिभाहरु बिस्तारै प्रस्फुटन हुँदै आएको भनी प्रशंसा गरे ।

लेखिका गिरीको कथा सँग्रह कम्युनिष्टको विमोचन समारोहको आयोजना रिडर्स क्लब नेपालले गरेको थियो । विमोचन कार्यक्रममा उपान्यासकार नयनराज पाण्डे, युवराज नयाँघरे, दिनेश अधिकारी, श्रीकृष्ण धरावासी, प्रतीक ढकाल, गोविन्द वर्तमान, युग पाठक लगायतले लेखिका गिरीको साहित्यिक प्रतिभाको कदर गर्दै आ-आफ्ना भनाईहरु राखेका थिए । कार्यक्रममा प्राज्ञ तुलसी दिवसको पनि उपस्थिति थियो ।