एकीकृत माओवादी स्थायी समितिको बैठक बस्दै
MNN REPORTER Report | 27 Jan 2010 | Views: 151
काठमाडौं, माघ १३ । राष्ट्रिय स्वाधिनता लागि भन्दै भारत विरुद्ध आन्दोलन गरिरहेको एकीकृत नेकपा माओवादी स्थायी समितिको बैठक बस्दैछ । एकीकृत माओवादी विरुद्ध भारतमा पनि प्रदर्शन हुन थालेपछि त्यस विषयमा आजको बैठकमा गंभिर छलफल हुने जानकारी प्राप्त भएको छ ।
बिहान ११ बजे पार्टी कार्यालय पेरिसडाँडामा बस्ने बैठकमा चौथो चरणको आन्दोलनको समिक्षा र अर्को चरणको आन्दोलनका विषयमा पनि छलफल हुनेछ । त्यसैगरि सेना समायोजन, उच्चस्तरीय संयन्त्र, नयाँ सरकार गठनका विषयमा पनि छलफल हुनेछ । बैठकमा राजनीतिक गतिरोध र संविधान निर्माण प्रकृयाका विषयमा छलफल हुने एकीकृत माओवादी प्रवक्ता दीनाथ शर्माले जानकारी दिए ।
(Digg)
(Technorati)
(Blinklists)
(Del.icio.us)