mirrorNepal.com

काठमाडौं, माघ २६ । बंगलादेशमा जारी ११ औं दक्षिण एशीयाली खेलकुद सागमा नेपालले मंगलबार विहान थप एक स्वर्ण जितेको छ । ४२ किलोमिटर म्याराथनमा राजेन्द्र भण्डारीले स्वर्ण जितेका हुन् । योसँगै नेपालको स्वर्ण संख्या ८ पुगेको छ । हालसम्म नेपालले आठ स्वर्णसहित ३५ पदक जितेको छ । पदक तालिकामा भारत अग्रस्थानमा छ ।



सागको ११ औं संस्करण मंगलबार सम्पन्न हुँदैछ । नेपाली समयअनुसार अपरान्ह पौने ४ बजे ढाकाको बंगबन्धु रंगशालामा विशेष समारोहबीच सागको ११ औं संस्करणको समापन गरिनेछ । सागको १२ औं संस्करण भारतमा आयोजना हुनेछ ।